Македонскиот прволигаш Шкупи се раздели со тренерот Муарем Бајрами. По поразот на вчерашниот натпревар против Струга Трим Лум, раководството на клубот од Чаир одлучи да му даде отказ на младиот стратег. Шкупи има големи амбиции во овој шампионат, а по поразот во Струга веќе има четири бода негатива во однос на Шкендија.
Наследникот на Муарем Бајрами треба да биде именуван во наредните неколку дена. Минатата седмица во стручниот штаб на Бајрами беше вклучен Тони Мегленски, а сега тој би можел да продолжи да го предводи составот од Чаир.
