Монца успеа да направи сензација и го совлада Јувентус со 1-0. Тоа е прва победа во клупската историја за Монца во Серија А, а прв пораз на Јуве оваа сезона. Но, тимот на Масимилијано Алегри игра далеку под очекувањата.
Анхел Ди Марија кон крајот на првото полувреме доби црвен картон поради удирање противнички фудбалер, а Момца тоа знаеше да го искористи. Гиткјер во 74.минута донесе водство и на крајот сензационален триумф.
Лацио со 0-4 го декласира Кремонезе. Чиро Имобиле беше двоен стрелец, а погодија и Сергеј Милинковиќ-Савиќ и Педро.
Фиорентина со 2-0 ја победи Верона. Иконе и Нико Гонзалес беа стрелци за „виолетовите“.
