Ливерпул следната сезона нема да биде дел од Лигата на шампионите. Тоа и дефинитивно е познато по триумфот на Манчестер Јунајтед против Челси (4-1).
За првпат во ерата на Јирген Клоп, „црвените“ не обезбедија место во европската елита и ќе мораат да се задоволат со настап во Лига Европа.
За Мохамед Салах тоа е огромно разочарување.
„Потполно сум уништен. За ова нема апсолутно никакво оправдување. Ние сме Ливерпул и местото ни е во Лигата на шампионите. Тоа треба да е минимумот за овој клуб. Жал ми е, но прерано е за оптимистички пост. Ве изневеривме и вас и себе“, истакна Мохамед Салах во обраќањето до навивачите на Ливерпул.
