Импресивно достигнување забележа Лука Модриќ. Во поразот на Хрватска од Велс (2-1) во Кардиф во европските квалификации, ветеранот стигна до бројката од 1.000 натпревари на клупско и на национално ниво.
Само уште 40 фудбалери во историјата на светскиот фудбал можат да се пофалат со ваков подвиг, меѓу кои и Кристијано Роналдо, Лео Меси и Андрес Иниеста.
38-годишниот Модриќ има 170 настапи за Хрватска и 497 мечеви за Реал Мадрид. Останатите натпревари ги одигра со Тотенхем, Динамо Загреб, Зрињски и Интер Запрешиќ.
