Фудбалската репрезентација на Македонија до 21 година доживеа убедлив пораз од Словенија (3-0) на пријателскиот натпревар во Терме Чатеж. Ако ова е последниот тест пред квалификациите за ЕП, има уште многу работа за селекторот Благоја Милевски.
По само седум минути Словенија имаше водство од 2-0.
Матко погоди во втората минута, а Прелец зголеми на 2-0. Светлин пред крајот на првото полувреме постигна и трет погодок и тоа беше сериозен удар за селекцијата на Боби Милевски која мечот го заврши и со играч помалку.
