Германскиот бундеслигаш Борусија Дортмунд остана без напаѓалот Јусуфа Мукоко во наредните шест седмици. Тој ќе го пропушти двомечот од Лигата на шампионите со Челси како и неколку други важни натпревари за Борусија.
Мукоко заработи повреда на лигаментите на скочниот зглоб на натпреварот против Вердер во Бундес-лигата.
„Ова е горчлива вест за него и за нас, особено во овој момент“, изјави спортскиот директор на Борусија, Себастијан Кел.
Мукоко оваа сезона постигна шест гола на 18 натпревари во Бундес-лигата.
