Младата фудналска репрезентација на Македонија до 21 година ги започна подготовките за натпреварот против Израел на гостински терен на 12. ноември, претпоследен од квалификациите за Европското првенство.
Селекторот на младата репрезентација, Благоја Милевски на првиот тренинг ги имаше на располагање фудбалерите од домашниот шампионат, а од интернационалците тренингот го одработија Дарко Чурлинов од Штутгарт и Ердон Даци од турски Коњаспор.
Вечерва во тимската база пристигнуваат Бојан Миовски, Давор Здравковски, Есмин Личина, Јани Атанасов, Тодор Тодоровсски, Томче Гроздановски и Марко Ѓоргиевски.
Агрон Руфати, Давид Тошевски и Димитар Митровски во текот на утрешниот ден ќе се приклучат на репрезентативните обврски.
Македонската репрезентација до 21 година е на второто место во групата 6 од квалификациите за ЕП со 14 бода. Израел има 12 на третото место, Шпанија е прва со 22. Црна Гора е петта со седум освоени бодови, зад Казахстан со 10. Последен е Фарски Острови со шест бодови.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski