Младата фудбалска репрезентација на Македонија до 21 година се соочи со позитивни тестови на Covid-19, па беше отстапено од одлуката Чурлинов, Тодороски и Јанков да бидат прекомандувани кај сениорите. Но, селекторот Благоја Милевски за натпреварот во вторник против Црна Гора, последен од циклусот, имаше потреба да повика и нови фудбалери.
Повик во националниот тим добија Енсар Љума (Шкендија), Ване Јованов (Академија Пандев), Славе Маркоски (Охрид) и Виктор Крстевски (Вардар).
