Милевски го објави списокот за мечевите со Малта и со Фарски Острови: Спировски и Николов отсутни поради слаба форма

Селекторот на фудбалската репрезентација на Македонија, Благоја Милевски, го објави списокот со 28 фудбалери, за квалификацискиот меч против Малта на 23 март, и пријателскиот дуел со Фарски Острови четири дена подоцна.

“Изборот е тој, Стефан Спировски и Бобан Николов не се повикани поради слаба форма и мала минутажа. Имаме и еден дебитант, Давор Здравковски кој игра стабилно на Кипар и заслужи шанса да покаже што може и во А-тимот”, изјави селекторот Милевски на прес – конференцијата.