Како капитен, Лионел Меси ја предводеше својата Аргентина до третата светска шампионска титула во историјата, го исполни својот најголем сон и го освои единствениот и најважниот трофеј што му недостигаше во неговата богата кариера.
Новите светски шампиони утрово се вратија во Аргентина. Таму е прогласен државен празник, а попладне според нивно време се подготвува спектакуларен дочек на кој според проценките ќе има неколку стотици илјади навивачи.
И додека Меси и друштвото ја слават титулата, на Инстаграм се водеше вистинска мала „војна“ меѓу луѓето кои го следат Меси и едно јајце.
Аргентинскиот ас утрово собори уште еден рекорд. Неговата фотографија на која го држи трофејот светски шампион стана објава со најмногу „лајкови“ во историјата на Инстаграм.
Засега ги има над 59 милиони. Трката се уште трае и е вистински хит на социјалните мрежи, а Меси моментно води против јајцето со милион лајкови повеќе.
