Tри месеци откако ја предводеше Аргентина до светската титула, Лионел Меси, буквално не може да ја напушти куќата во својата татковина без да биде опкружен со огромни групи на навивачи кои се во делириум. Ова се потврди и синоќа во Буенос Аирес.
Меси дојде во главниот град на Аргентина каде ќе биде одигран првиот од двата пријателски натпревари на националниот тим во март. Аргентина игра со Панама во четврток, а со Курасао пет дена подоцна. Секако, доаѓањето на херојот на нацијата во земјата на првите натпревари по донесувањето на 36 години очекуваната светска титула ја крена и онака големата хистерија.
Меси се упати на вечера во ресторанот Дон Хулио во Буенос Аирес. Тоа го правеше без фанфари или придружба, згора на тоа, се трудеше да остане незабележлив. Меѓутоа, случајните минувачи на улица го препознале и потоа настанал хаос. Меси истрча, но не успеа да им побегне. Навивачите видоа каде влезе и за неколку минути стотици навивачи ги блокираа улиците пред ресторанот.
Навивачите чекаа повеќе од два часа чекаа пред ресторанот „Дон Хулио“, непрекинато пеејќи и скандирајќи на Лео.
За тоа време не беше поинаку ниту во ресторанот. Кога сфатиле кој влегол, персоналот и гостите почнале да врескаат и постојано го фотографирале и го фотографирале Меси. Се смееше и ги поздравуваше, како и откако излезе од ресторанот, но набрзо му здодеа од смеење. Улиците околу ресторанот веќе беа заглавени со илјадници негови обожаватели.
Кога го виделе Меси како излегува од ресторанот, во стампедо тргнале кон него. Толпата ќе го распарчеше доколку неколку полицајци не го спасеа на неколку метри, од влезот на ресторанот до автомобилот.
Тие дојдоа кога видоа дека ситуацијата ескалирала и дека Меси нема да може да ја напушти локацијата без нивна помош.
„О Боже, Лео!”, пееја навивачите, допирајќи го, влечејќи и удирајќи по главата на сега нервозниот Меси, додека неколку полицајци околу него со натчовечки напори ја туркаа публиката да го внесат Меси во автомобилот и што подалеку од лудите навивачи.
