Лионел Меси планира да остане во европскиот фудбал до летото 2024 година, кога има намера да се пресели во Америка. „Скај Спортс“ ексклузивно објави дека Меси одлучил да остане барем уште една сезона во Европа и дека најверојатно потоа ќе прејде во Интер Мајами, со кој се поврзува веќе извесно време.
Меси ги „замрзнал“ сите можни преговори до јануари, односно до завршувањето на Светското првенство, по што ќе земе и заслужен мини-одмор.
Сепак, иако се шпекулираше дека би можел да се врати во Барселона, „Скај Спорт“ истакнува дека е многу поверојатно да потпише уште еден едногодишен договор со Пари Сен Жермен.
Парижаните веќе му кажаа на Меси дека сакаат тој да остане уште една сезона, кога ќе му истече актуелниот договор на лето, но официјалните преговори ќе започнат во 2023 година.
Самиот Меси призна дека се навикнал на животот во Париз, дека неговото семејство повеќе ужива во него отколку кога пристигнал, што е навестување дека навистина би можел да остане таму.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal