Аргентинската ѕвезда Лионел Меси постигна убав погодок за ПСЖ во ремито (1-1) против Бенфика во Лигата на шампионите, а со него урна уште еден рекорд. Тој е првиот фудбалер кој постигнал голови против 40 различни тимови во Лигата на шампионите.
Најмногу од нив ги има постигнато против Арсенал (9), а по осум против Милан и Селтик.
Кристијано Роналдо веројатно затоа сакаше и оваа сезона да игра во клуб што настапува во Лигата на шампионите. Тој остана на голови против 38 различни екипи во ЛШ.
На третото место е Карим Бензема (34).
