Дефанзивецот Меџит Незири се врати во Македонија и потпиша двегодишен договор со актуелниот шампион Шкендија. Тој по седум години се враќа во Шкендија, со оглед дека беше дел од тимот кој ја освои историската прва титула во клубот. Сега доаѓа како засилување со стекнато интернационално искуство. Во изминатиот период играше за Вентспилс и за Дачија, а претходно во Македонија беше дел и од Ренова.
Шкендија се наоѓа на подготовки во Крањска Гора (Словенија), а денеска ќе го дознае противникот во првото квалификациско коло од Лигата на шампионите.
