Мартин Мирчевски потпиша за ТСЦ Бачка Топола

Најдобриот стрелец во есенскиот дел од македонскиот шампионат, Мартин Мирчевски, и официјално е нов член на српскиот прволигаш ТСЦ Бачка Топола. Тој во наредните три години ќе го носи дресот на еден од најорганизираните српски клубови после Црвена Звезда и Партизан.

Мирчевски имаше одлична полусезона со составот на Академија Пандев, постигна 16 гола во првиот дел од првенството на Македонија, а тоа беше препорака за негов интернационален предизвик.