Скопје оствари голема победа над Охрид (2-0) на домашен терен и го официјализира враќањето во елитата. Тимот на Љупчо Марковски надмоќно го освои првото место во Втората лига Запад оваа сезона. Тој вели дека честитките одат на адреса на фудбалерите.
„Честитки за фудбалерите за игрите низ текот на целата сезона. Скопје покажа дека е најквалитетен тим во Втората лига Запад и тоа две сезони последовно. Токму затоа мислам дека повеќе од заслужено се враќаме меѓу најдобрите. Остануваат уште две кола, ќе ги одиграме во наш стил, без никакви калкулации“, изјави Љупчо Марковски Калц, предводникот на ФК Скопје.
