Деклан Рајс е еден од најбараните фудбалери на Островот. Англискиот репрезентативец ова лето многу веројатно ќе го напушти Вест Хем, а за него најзаинтересирани се Манчестер Сити и Арсенал.
Откако беше одбиена и втората понуда на „топчиите“, сега Манчестер Сити испрати понуда за англискиот репрезентативец. Понудата на „граѓаните“ изнесува 80 милиони фунти, плус 10 милиони преку бонуси.
Сепак, и тоа е помалку од барањата на Вест Хем. „Чеканите“ бараат најмалку 100 милиони за својот најдобар фудбалер.
