Манчестер Сити го „врза“ Родри до 2027 година

Шпанскиот интернационалец Родри го продолжи договорот со Манчестер Сити до 2027 година, објави клубот. Тој се договори за нова петгодишна соработка со „граѓаните“ на инсистирање на Пеп Гвардиола.

Шпанскиот играч од средниот ред му се приклучи на тимот на Сити во 2019 година и оттогаш забележа 151 настап.

Манчестер Сити ова лето се засили со Ерлинг Халанд и Хулијан Алварез во нападот, а Рахим Стерлинг е пред трансфер во Челси. Клубот го напушти Габриел Жесус кој сега е член на Арсенал.