Проблемите за Ерик Тен Хаг во Манчестер Јунајтед стануваат сѐ посериозни. Холандскиот стратег ќе биде лишен од две свои ѕвезди во период од близу еден месец. Станува збор за Лисандро Мартинез и за Виктор Линделоф.
Аргентинецот се врати од двомесечно отсуство со проблеми со коленото, но од клубот соопштија дека тој се здобил со уште една повреда и ќе биде недостапен за својот менаџер во најважниот период од сезоната.
Во меѓувреме, од „Олд Трафорд“ потврдија дека Виктор Линделоф ќе биде надвор од терените најмалку до мај поради истегнување на мускулот во ремито (1-1) против Брентфорд во неделата.
