Напаѓачот на ПСЖ, Килијан Мбапе, би можел да се пресели во Манчестер Јунајтед на местото на Кристијано Роналдо, тврди „Мирор“.
„Црвените ѓаволи“ планираа голема понуда за следното лето кога ќе истече договорот на Роналдо со клубот. Сепак, огромниот скандал што го предизвика Португалецот со интервјуто со Пирс Морган може да го натера англискиот тим да се обиде да го забрза трансфер процесот.
Манчестер Јунајтед има доволно финансиска моќ за да плати за 23-годишниот Французин 150 милиони фунти, како и да му плаќа 500.000 фунти неделно – исто колку што заработува 37-годишниот Португалец.
Медиумите на Островот се обединети во шпекулациите дека Роналдо речиси сигурно ќе го напушти тимот најдоцна во јануари.
