Шкупи ја следи во чекор Шкендија на врвот на табелата, а во 15.коло оствари сигурен триумф на гости против Пелистер. Не е лесно да се освојат бодовите под „Тумбе кафе“, а посебно откако домаќинот ќе поведе. Но, составот на Умит Каран доминантно направи пресврт откако Борче Маневски постигна водечки гол за битолскиот прволигаш.
Прославениот турски напаѓач умее да им даде слобода во играта на напаѓачите на Шкупи и тоа Дембо Дарбо го користи на најдобар можен начин. Шкупи игра брз и модерен фудбал, создава шанси, постигнува голови.
Умит Каран е изборот на МАКФУДБАЛ за најдобар тренер на 15.коло во Првата фудбалска лига.
