МАКФУДБАЛ ТРЕНЕР на колото: Ќатип Османи

Шкендија влезе во победнички ритам кога е најпотребно, во финишот на сезоната кога ќе се решава титулата. По триумфот над Брегалница во Штип, тетовскиот тим сериозно се вклучи во битката со лидерот Струга Трим Лум и сега заостанува само три бода.

Искусниот лисец Ќатип Османи знае како се освојуваат трофеи и кога треба да се притисне на папучата за гас, за тимот да „забрза“ и да реди победи. Една од клучните победи е токму онаа во Штип.

МАКФУДБАЛ го избра Ќатип Османи за најдобар тренер на 28.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.