Силекс стартуваше одлично во новото првенство во Првата лига, а иако доживеа убедлив пораз од Карабах во квалификациите за ЛШ, сепак, дома е сигурен. По враќањето, во Кратово на гости дојде Ренова, а Силекс славеше со 3-1.
Ренова го отвори резултатот, а кратовскиот тим со превсрт стигна до победа. Пепи Ѓоргиев беше стрелец на два гола и го заслужи епитетот за најдобар играч на 4. коло во Првата лига во изборот на МАКФУДБАЛ.
Силекс по репрезентативната пауза го очекува гостување во Струга и дуел со Струга Трим Лум во петтото коло од шампионатот.
