Македонскиот прволигаш Македонија ЃП одигра пријателски натпревар со хрватскиот првак Динамо Загреб и загуби со 4-1, за старт на подготовките во Хрватска. Тренерот на „модрите“, Сергеј Јакировиќ, на овој тест испроба дел од помладите сили, но и тие беа преквалитетни за „лавовите“ и остварија триумф.
Куленовиќ го доведе Динамо Загреб во водство во 23.минута, а израмни Љатифи седум минути подоцна.
Во второто полувреме, Динамо Загреб стигна до убедливиот триумф. Бродиќ постигна два гола, во 64. и во 85.минута, а мрежата на Македонија ЃП ја погоди и Видовиќ во 82.минута.
