Македонскиот прволигаш Македонија ЃП го именуваше официјално Бобан Грнчаров за нов шеф на стручниот штаб на тимот. Тој доаѓа на местото на Тони Џангаровски кој се раздели со клубот по поразот (1-2) од Воска Спорт на домашен терен.
Грнчаров во минатото беше тренер на Вардар и успеа да го внесе во елитата.
Сега ќе има нова задача, да се обиде да ја извлече Македонија ЃП од опасната позиција на табелата и да обезбеди опстанок.
Бобан Грнчаров ќе дебитира утре, на гостувањето кај актуелниот шампион Струга Трим Лум.
