Младата фудбалска репрезентација на Македонија до 19 години го загуби првиот пријателски натпревар против Црна Гора (0-1). Овој меч треба да биде добра поука за избраниците на селекторот Шкумбин Арслани дека стигнува казна ако не се користат шансите.
Македонија имаше неколку одлични шанси на мечот. Максимов, Абази, Тодоровски не реализираа, а тоа му успеа на црногорскиот репрезентативец Бишевац кој погоди за водство и конечен триумф од 0-1.
Вториот натпревар меѓу селекциите на Македонија и на Црна Гора е закажан за в четврток од 11 часот, исто така на стадионот во Ѓорче Петров.
