Лука Станковски е новата млада ѕвезда на Работнички. По Елиф Елмас, кој замина во Фенербахче, а сега е член на Наполи, претходно и многу други, се чини дека сега е ред на Лука Станковски да направи голем трансфер. Со 18 години веќе е еден од столбовите во играта на „романтичарите“, креира, поврзува, асистира и постигнува голови.
Денеска за крај на одличната есен за него во која се промовираше како млад играч за врска од врвна класа, постигна два гола за триумф над Борец (2-1). И веднаш стана една од желбите на белгискиот гигант Клуб Бриж кој сериозно се заинтересира за ангажман на одличниот „романтичар“.
Погледнете како Лука Станковски, на асистенција на Фахрудин Ѓурѓевиќ, го реши Борец…
