ЛШ: Баерн Минхен го декласира Плзен (ВИДЕО)

Баерн Минхен ја оствари и третата победа во Лигата на шампионите и се зацврсти на врвот на табелата во групата Ц со максимални девет бода. Баварскиот клуб славеше со 5-0 на „Алијанц арена“ против Плзен.

По само дваесетина минути победникот беше решен. Лирој Сане го отвори резултатот во седмата минута, Серж Гнабри зголеми на 2-0, а третиот гол беше дело на Садио Мане.

Во вториот дел, Сане постигна втор погодок, а во листата на стрелците се запиша и Ерик Максим Чупо – Мотинг.