Ливерпул продолжи со победите и против Лестер (ВИДЕО)

Ливерпул продолжи во победнички стил и на гостувањето кај Лестер. Тимот на Јирген Клоп славеше со 0-3 и се доближи на еден бод негатива во однос на четвртопласираниот Манчестер Јунајтед, но и еден одигран натпревар повеќе од „ѓаволите“, во трката за пласман во ЛШ.

Куртис Џонс ги постигна првите два гола за Ливерпул, во 33. и во 36.минута од мечот.

Во вториот дел, Трент Александер-Арнолд постигна прекрасен гол од слободен удар за конечни 0-3.