Бугарскиот великан Левски се обидува да се врати во самиот врв на бугарскиот фудбал, а од зима би можел да има уште еден Македонец во тимот. Покрај Ѓоко Зајков, кој пристигна ова лето, дресот на Левски во зимскиот преоден рок би можел да го облече поранешниот младински репрезентативец Доријан Бабунски. Тој е член на Ботев Враца и одлично ја започна новата сезона во Бугарија.
Добрите игри на помладиот Бабунски не минаа незабележано кај тренерот Станимир Стоилов кој сака да го доведе напаѓачот во Левски.
Своевремено, неговиот татко Бобан Бабунски, во периодот од 1992 до 1994 година играше во Бугарија, но за лутиот ривал ЦСКА Софија.
