Фудбалерите на Барселона синоќа ремизираа 1-1 на гостински терен против Наполи во првиот осминафинален натпревар од Лигата на шампионите.
Стрелец за Каталонците беше Роберт Левандовски, а со тој гол Полјакот стана 14. играч во историјата на Лигата на шампионите кој ја погодил мрежата во нокаут фазата, настапувајќи за три различни клубови.
Пред Барселона, Левандовски постигна гол додека ги носеше дресовите на Борусија Дортмунд и на Баерн Минхен.
Така тој им се приклучи на Кристијано Роналдо, Михаел Балак, Хоакин Кореа, Дани Алвеш, Самуел Ето, Фернандо Торес, Оливие Жиру, Тиери Анри, Златан Ибрахимовиќ, Алваро Мората, Фернандо Мориентес, Лирој Сане и Андреј Шевченко.
Полјакот ја освои Лигата на шампионите во 2020 година со Баерн Минхен, додека во 2013 година го загуби финалето со Борусија, токму од Баерн.
