Фудбалерите и стручниот штаб на Македонија ЃП се негативни на коронавирус. Македонскиот прволигаш од Ѓорче Петров објави дека комплетниот погон добил негативни тестови на Ковид-19 и дека тимот сега може комплетно да се фокусира на стартот на пролетта.
Македонија ЃП, која беше едно од најпријатните изненадувања во првиот дел од сезоната, в недела ќе гостува на Струга Трим Лум во првото пролетно коло.
„Лавовите“ имаа одлична есен и се наоѓаат на третото место на табелата со 33 бода, исто колку што има и второпласираниот Шкупи.
