Поранешната аргентинска ѕвезда Езекиел Лавеци доживеа нова несреќа. Откако пред неколку дена слета во болница во Уругвај со рани во стомакот и скршена клучна коска, 38-годишниот напаѓач сега е префрлен во психијатриска клиника поради предозирање со дрога.
Неговото семејство тврдоглаво ги негирало неговите проблеми, но сѐ повеќе докази за тоа се појавуваат во локалните медиуми.
Аргентинската новинарка Естефи Берарди објави шокантни детали околу првиот инцидент кој го испрати Лавеци во болница.
„Почна да слуша гласови и мислеше дека го бркаат“, објави новинарката.
Лавеци бил примен на интензивна нега, а потоа е префрлен во психијатрискиот оддел на клиниката.
