Лаутаро Мартинез потпишува нов договор со Интер

Потпретседателот на Интер, Хавиер Занети, потврди дека сè околу новиот договор на капитенот на тимот Лаутаро Мартинез е договорено.

Двете страни преговараа во последните месеци. Аргентинскиот напаѓач ќе потпише нов договор до летото 2029 година.

Платата на 26-годишниот фудбалер ќе биде околу 9 милиони евра по сезона.

Лаутаро Мартинез е дел од Интер од 2018 година, кога дојде од аргентинскиот Расинг. За „нероаѕурите“ има 282 натпревари, постигнувајќи 129 гола и 43 асистенции.