Холандскиот фудбалер Квинси Промес официјално е обвинет за шверц на 1.300 килограми кокаин. Ова не е нова приказна, познато е дека пред три години против Промес беше покрената истрага за препродажба на дрога, а денеска и официјално е покренато обвинение.
Тој е обвинет за организирање и шверц на 1.300 килограми кокаин во јануари 2020 година.
Оттогаш е под полициски надзор, неговите разговори се снимени и има јасни докази дека Холанѓанецот бил важна алка во синџирот на шверц на кокаин.
Поранешниот играч на Ајакс и сегашен член на Спартак Москва ќе треба да се појави на суд на 5 јуни во Амстердам за кога е закажано првото рочиште.
Не треба да заборавиме дека Промес беше обвинет дека со нож го нападнал и го повредил својот братучед, за што и тој е уапсен.
Како што стојат работите, тој наскоро ќе стави крај на фудбалската кариера…
