Шкендија имаше најлесна задача во осминафиналето на Купот на Македонија. Во Тетово пристигна третолигашот Шкендија Арачиново, кој не успеа да направи нова сензација, откако во минатата рунда го елиминираше Работнички.
Шкендија славеше со 1-0 и обезбеди пласман во четвртфиналето на Купот. Фитон Адеми беше стрелец на победничкиот гол во 73.минута.
На Националната арена „Тодор Проески“ се сретнаа Вардар и Тиквеш. На крајот славеше најтрофејниот клуб со 2-0. Дианеси во 75.минута го отвори резултатот, а во судиското продолжение беше потврден триумфот и со втор гол на Дианеси.
Гостивар со нов тренер ја пречека Брегалница и славеше со 1-0 со голот на Иван Ивановски, а Пелистер на домашен терен е елиминиран од Детонит Плачковица. По регуларниот тек беше 1-1, а гостите славеа по изведување пенали.
Шампионот Струга Трим Лум ја победи Македонија ЃП со 2-0 со головите на Таири и на Кехинде, а во Кратово имаше интерес дуел меѓу Силекс и Шкупи во кој се изведуваа пенали. На крајот поуспешни беа фудбалерите на Силекс кои победија со 4-3.
Аресими со 3-1 го елиминира прволигашот Воска Спорт.
ОСМИНАФИНАЛЕ КУП НА МАКЕДОНИЈА – РЕЗУЛТАТИ
БРЕРА – БЕСА 2-0
ВАРДАР – ТИКВЕШ 2-0
ГОСТИВАР – БРЕГАЛНИЦА 1-0
ПЕЛИСТЕР – ДЕТОНИТ ПЛАЧКОВИЦА 1-1 (2-4 пен.)
ШКЕНДИЈА – ШКЕНДИЈА АРАЧИНОВО 1-0
СТРУГА ТЛ – МАКЕДОНИЈА ЃП 2-0
СИЛЕКС – ШКУПИ 0-0 (4-3 на пен.)
АРЕСИМИ – ВОСКА СПОРТ 3-1
