Тренерот на Порто, Серџо Консеиао, го изрази своето задоволство од победата од 1-0 против Арсенал во првиот осминафинален натпревар од Лигата на шампионите. Тој им честиташе на своите играчи кои, според него, одлично го реализирале планот.
„Играчите треба да бидат задоволни од она што го направија. Немавме многу време да се подготвиме, но видов голема одлучност. Тимот одлично разбра како да го искористи празниот простор за да го мачи противникот. Тоа беше добар натпревар, типичен за Лигата на шампионите. Арсенал имаше повеќе посед, но ние создадовме посериозни шанси“, изјави Серџо Консеисао.
„Сѐ што имавме подготвено, успеавме да го пренесеме на теренот. Дури и во статични ситуации. Им честитам на моите играчи кои совршено го спроведоа планот“, додаде тој.
