Англискиот арбитар Ентони Тејлор ќе биде главен судија на финалниот бараж меч меѓу Португалија и Македонија во вторник на „Драгао“ во Порто. Тој повторно ќе ја дели правдата за клучен меч за Македонија пред пласман на големо натпреварување.
Тејлор беше „таличен“ за нашиот национален тим на историскиот меч во Тбилиси на 12 ноември 2020 година кога со голот на Горан Пандев ја победивме Грузија и се пласиравме на Европското првенство.
Асистенти на Ентони Тејлор ќе бидат Гери Бесвик и Мајкл Нун, а четврти судија е Мајкл Оливер.
