Казахстан втор тест за Македонија пред Европското првенство

Фудбалската репрезентација на Македонија ќе има два теста пред заминувањето на Европското првенство. По најавениот пријателски натпревар со Словенија на 1 јуни, три дена подоцна македонските репрезентативци ќе одиграат и меч против Казахстан во Скопје.

„Сите селекции кои настапуваат на Европското првенство ќе имаат по два пријателски натпревари пред настапот на Европското првенство. На 4 јуни ќе тестираме и против Казахстан и тоа ќе биде убава можност да ги провериме сите сили пред заминувањето во Букурешт“, изјави селекторот Ангеловски.