Дефанзивецот на Шпанија, Дани Карвахал, зборуваше пред четвртфиналниот натпревар на Иберијците против селекцијата на Германија, која е и домаќин на ЕП 2024. Тој го пофали противникот за одличните фудбалери со кои располага, но и го посочи начинот на кој тие можат да се скршат.
„Индивидуално имаат играчи од светска класа. Имаат брзи крила, одлични централни дефанзивци и фудбалери кои имаат тенденција да ја контролираат топката. Имаме слични квалитети како нив. Сѐ зависи од тоа дали ќе останете статичен или ќе играте висок пресинг. Ова ќе одреди колку ќе се доближиме до целта, бидејќи зависи од темпото на играта. Единствениот очигледен начин да се обидете да ја намалите импресивната брзина и техника на германските крила е да останете блиску до нив во секое време. Ќе биде неизвесен натпревар, но се надевам дека ние ќе се радуваме“, изјави Карвахал.
Мечот меѓу Германија и Шпанија се игра вечерва од 18 часот во Штутгарт.
