Каменица Саса го доведе Владимир Дујовски

Македонскиот второлигаш Каменица Саса го претстави четврто засилување за новата сезона. Нов член на тимот е Владимир Дујовски, играч за врска кој во својата кариера играше за Турново, Кит-Го и за Брегалница.

„Со особена чест и задоволство ви го претставуваме четвртото засилување на ФК Каменица Саса за новата второлигашка сезона, Владимир Дујовски“, објави клубот.

Претходно, Каменица Саса ги доведе Бошко Ступиќ, Тони Мичковски и Грегори Давков.