Камавинга и компанија пресилни за Македонија У21 (ВИДЕО)

Младата фудбалска репрезентација на Македонија до 21 година забележа пораз од 3-0 на гостувањето во Ле Ман против големиот фаворит Франција. Новата ѕвезда на Реал Мадрид, Едуардо Камавинга, и неговите соиграчи од селекцијата на „триколорите“ беа пресилни за составот на Драги Канатларовски.

Македонија добро парираше во првиот дел, а голот на Французите е спорен, со оглед дека можеби топката што ја упати Натанаел Мбуку и не ја мина комплетно гол-линијата.

Во вториот дел, Едуардо Камавинга зголеми на 2-0 во 50.минута, а Пјер Калулу во 89.минута го постави конечниот резултат.