Светскиот шампион Анхел Ди Марија го пропушти вчерашниот дуел на Јувентус со Кремонезе, но клубот се надева дека ќе може да смета на него за следните натпревари. Надежите на Масимилијано Алегри се дека ако го одмори и против Удинезе в сабота, тогаш би можел да смета на него на следниот натпревар против Наполи.
34-годишниот крилен напаѓач има полесна повреда на скочниот зглоб.
Ди Марија пропушти шест натпревари во Серија А во првиот дел од сезоната. Тој имаше повреда и на Светското првенство, но сепак и помогна на Аргентина да дојде до титулата.
