Јувентус се договорил со Тијаго Мота да биде тренер на тимот од следната сезона

Раководството на Јувентус постигнало начелен договор со Тијаго Мота за преземање на клубот од следната сезона, пренесува „Калчомеркато“.

Тој во моментот е тренер на Болоња со која се наоѓа на четвртото место во Серија А.

Веќе беше објавено дека Мота е главниот кандидат за тренерската функција во Јувентус доколку Масимилијано Алегри замине. Тоа очигледно и ќе се случи.

Јувентус моментно е на третата позиција во Серија А со 62 бода и има само четири бода повеќе од сензацијата Болоња.