Италијанскиот првак Јувентус има се поголеми проблеми пред утрешното дерби против Милан на „Сан Сиро“. Тренерот Андреа Пирло нема да може да смета и на Хуан Квадрадо, кој исто како и Алекс Сандро, е позитивен на Ковид-19. Тој е во самоизолација и нема да биде дел од тимот во наредните дваесетина дена.
„По последните тестови, позитивен на Ковид-19 е фудбалерот Хуан Квадрадо. Тој е асимптиматичен, но веќе се наоѓа во самоизолација“, соопштија од Јувентус.
Пирло нема многу алтернативи, па на десната бековска позиција речиси сигурно ќе игра Данило.
