Италијанскиот калчолигаш Јувентус подготвува „бомба“ во последните денови од летниот преоден рок. Од Торино речиси извесно ќе си замине Кристоијано Роналдо кој ќе се пресели во Манчестер Сити, а Јувентус сака да го купи Ерлинг Халанд, норвешкото голгетерско чудо од Борусија Дортмунд.
Со заминувањето на Роналдо, на Јувентус му се отвори можност да купи нов голгетер, а раководството на „старата дама“ го сака најдобриот, Ерлинг Халанд. Токму затоа во Торино пристигна агентот Мино Раиола. Тој за себе бара провизија од дополнителни 40 милиони евра и затоа од трансферот на Халанд претходно се откажа Челси.
