Шкупи го продолжи договорот со стандардниот свој првотимец Фатјон Јусуфи. Прволигашот од Чаир информира дека двете страни се договориле за нова едногодишна соработка.
„По меѓусебните разговори одлучивме да ја продолжиме соработката уште една година. Довербата која ја имаме меѓусебно донесе до нова соработка. Верувам дека ќе имаме успешни резултати и ќе ги оствариме целите планирани за новата сезона. За мене е задоволство што ќе работам под водство на тренерот Мухарем Бајрами“ – истакна Јусуфи по потпишувањето на новиот договор со Шкупи.
Јусуфи минатата сезона имаше 18 настапи за Шкупи постигнувајќи и три гола, дополнети и со три асистенции. Претходно во својата кариера настапуваше за Ренова, Партизан Тирана, како и ерменски Ширак.
Од Шкупи, пак, замина Бразилецот Сержињо на кого му заврши позајмицата од албанскиот прволигаш Скендербег од Корча.
