Јетон Муслиу ќе го води Шкупи

Македонскиот прволигаш Шкупи го назначи Јетон Муслиу за в.д.шеф на стручниот штаб на сениорскиот тим. Тој ги води тренинзите на екипата по заминувањето на Хасан Озер кој доби отказ после поразот од Ренова (1-2) на домашен терен. Јетон Муслиу е координатор на младинските категории на клубот, но секогаш е подготвен да помогне во сениорскиот погон.

Шкупи в недела го очекува гостување кај Академија Пандев во Струмица. Тимот од Чаир сега има големи десет бода негатива во однос на лидерот Шкендија.