Италијанец може да заглави 13 години во затвор затоа што физички ја нападнал својата девојка, а „виновник“ е контроверзниот фудбалер Марио Балотели. Момчето чие име засега не е објавено во медиумите неколкупати ја тепал својата девојка затоа што бил љубоморен на нејзиното дружење со Марио Балотели.
Весникот „Ла Република“ пишува дека неименуваниот маж бил уверен дека девојка му има нешто повеќе со Балотели од обично пријателство. Тој бил љубоморен на нејзината дружба со славниот фудбалер. Балотели неколкупати ја заштитил девојката.
Насилникот еднаш е веќе осуден со две години затвор поради физички напад на претходната девојка. Новото насилство може да му донесе затворска казна до 13 години.
