Интер убедлив против Специја (ВИДЕО)

Интер ја оствари втората победа во новата сезона од Серија А, откако на „Џузепе Меаца“ ја совлада Специја со 3-0. Тимот на Симоне Инзаги беше доминантен и заслужено ги освои трите бода.

Лаутаро Мартинез го отвори резултатот во 35.минута, а Хакан Чалханоглу на почетокот на вториот дел ја удвои предноста.

Хоакин Кореа во 82.минута постигна трет гол за „нероаѕурите“ и го постави конечниот резултат.

Сасуоло го совлада Лече со 1-0, со голот на Доменико Берарди.